ថ្ងៃរីករាយ
ជិតចូលឆ្នាំហើយ តើកូនៗចង់បានអ្វី?
ចែម កូនចង់បានអ្វី?
ខ្ញុំចង់បានអាវថ្មីមួយ ។
ខុម កូនចង់បានអ្វី? ខ្ញុំពុំដឹងទេម៉ែ!
សូភី កូនចង់បានអ្វី?
ខ្ញុំចង់បានស្បែកជើងថ្មីមួយគូ ។
មើល៍ខុម! កូនចង់បានអ្វី?
ខ្ញុំពុំដឹងទេម៉ែ!
តារា កូនចង់បានអ្វី?
ខ្ញុំចង់បានខោជើងវែងថ្មីមួយ ។
ម៉េចខុម! កូនចង់បានអ្វី?
ខ្ញុំពុំដឹងទេម៉ែ! ម៉ែឱ្យអ្វីក៏បាន ។
អើ! ចាំម៉ែទិញរបស់មួយឱ្យកូន ។
ហ៏! ចែម សូភី តារា
មកយករបស់កូនៗទៅ ។
អូ! ស្អាតណាស់ម៉ែ!
ម៉ែ ឯណារបស់ខុម?
ម៉ែមានរបស់តូចមួយឱ្យខុម ។
មានអ្វីនៅក្នុងថង់នេះម៉ែ?
អូ! ក្រវិលនេះស្អាតមែន ។ អរគុណម៉ែ!
